শোণিতপুৰৰ বালিপৰাত সন্দেহযুক্ত হেৰইন আৰু বহু পৰিমানৰ আ অলংকাৰ সহ তিনি জনক গ্ৰেপ্তাৰ আৰক্ষীৰ

শোণিতপুৰৰ বালিপৰাত দুজন যুৱক আৰু এগৰাকী যুৱতীক সন্দেহযুক্ত হেৰইন সহ আটক আৰক্ষীৰ। চাৰিদুৱাৰ আৰক্ষীৰ তহলদাৰী দলে যান বাহনত তালাচী চলাই থকাৰ সময়তে AS-12-CC-1458 নম্বৰৰ এখন ট্ৰাকত বহি থকা দুজন যুৱক আৰু এগৰাকী যুৱতীৰ পৰা ১১ টা সন্দেহযুক্ত হেৰইন ভৰ্তি কন্টেইনাৰৰ লগতে ৫৫ যোৰ ৰূপৰ ফুলি,১৪ যোৰ সোঁনৰ ফুলি , ২ ডাল সোনৰ চেইন , ১৪ টা নাকফুলি ,তিনিটা মোবাইলৰ লগতে নগদ ৭০০০ হাজাৰ টকা জব্দ কৰিবলৈ সক্ষম হয় ৷ ইতিমধ্যে ঘটনা সন্দৰ্ভত চাৰিদুৱাৰ আৰক্ষীয়ে তদন্ত আৰম্ভ কৰিছে।আটকাধীন যুৱক দুজন ক্ৰমে কনক দৰ্জী,দাৱা ট চেৰিং আৰু এগৰাকী যুৱতী। সম্প্ৰতি চাৰিদুৱাৰ আৰক্ষীয়ে আটাইকেইজনক গ্ৰেপ্তাৰ কৰি তেজপুৰ জেল হাজোতলৈ প্ৰেৰনৰ ব্যৱস্থা কৰিছে৷