শোনিতপুৰৰ ৰঙাপৰাত নিশা সংঘটিত হল ভয়ংকৰ অগ্নিকাণ্ড, লক্ষাধিক টকাৰ ক্ষতিসাধন

শোনিতপুৰৰ ৰঙাপৰাৰ ১ নং নামনি গাঁৱত সংঘটিত হয় এক ভয়ংকৰ অগ্নিকাণ্ড ঘটনা ৷ অগ্নিকাণ্ডটোৰ ফলত এটি বাসগৃহ সম্পূৰ্ণ ৰূপেই ভষ্মিভুত হয়৷ নামনি গাঁৱৰ বাসিন্দা ধৰ্মেন্দ্ৰ জয়চৱাল নামৰ লোকজনৰ বাসগৃহত নিশা সংঘটিত হয় অগ্নিকাণ্ডটো ৷ লোকজনৰ বাসগৃহত থকা কেইবা লক্ষাধিক টকাৰ সা-সম্পত্তি জুইত জাহ যায় ৷ নিশা হঠাৎ বাসগৃহটি জুই লগাত এক আতংকময় পৰিস্থিৰ সৃষ্টি হয় ৷ স্থানীয় ৰাইজৰ তৎপৰতাত জুই নোমোৱাবলৈ সক্ষম হয় যদিও সম্পত্তি ৰক্ষা নহল ৷ বৈদ্যুতিক চৰ্ট চাৰ্কিতৰ ফলতে এই অগ্নিকাণ্ডৰ সুত্ৰপাত হোৱা বুলি জানিব পৰা গৈছে ৷ 

উল্লেখ্য যে নিশা ৰঙাপৰা অগ্নিনিৰ্বাপক বাহিনীৰ দল ঘটনাস্থলীলৈ গৈছিল যদিও গাড়ী সোমোৱাব নোৱাৰি আধা ৰাস্তাতে থাকি যাবলগীয়া হয় ৷ কাৰণ অগ্নিকাণ্ড সংঘটিত হোৱা স্থানলৈ য়াবলৈ ৰাস্তাৰ কোনো ব্যৱস্থা নাই ৷