এসময়ৰ ৫০/৫০ অসমৰ বড়ো জনগোষ্ঠীৰ ৰাইজৰ দাবী আজিও অসম্পূৰ্ণ নেকি ? বিষয়টো ৰাজনৈতিক-সামাজিক তথা অৰ্থনৈতিক ভাৱে অতি তাৎপৰ্যপূৰ্ণ : মনকৰিবলগীয়া বিষয় যে বড়ো জনগোষ্ঠীৰ জনগণ বিটিএডি চুক্তি,বিটিচি চুক্তি আৰু বিটিআৰ চুক্তিও আজিৰ সময়ৰ বড়ো জনগোষ্ঠীৰ ৰাইজৰ ভাৰতীয় সংবিধানিক ভাবে এটা জনগোষ্ঠীয়ে তিনিটাকৈ চুক্তি লাভ কৰাৰ পিছতো এইবাৰৰ অসম বিধানসভাৰ ছয় জনগোষ্ঠীৰ জনজাতিকৰণৰ মন্ত্ৰী গোটৰ প্ৰতিবেদন দাখিল লৈ অসমৰ জনজাতি অৰ্থাৎ বড়ো জনগোষ্ঠীৰ জাতীয় সংগঠন বড়ো ছাত্ৰ সন্থা চমুকৈ এবছু য়ে এই বিধেয়কৰ বিৰুদ্ধে প্ৰতিবাদ কৰাৰ কাৰণ কি? উল্লেখ যে উত্তৰ পূৰ্বাঞ্চলৰ আন ৰাজ্যসমূহ জনজাতি ৰাজ্যৰ সমানুপাতে বড়ো জনগোষ্ঠীয়ে সাংবিধানিক প্ৰাপ্য অধিকাৰ পাই আছে। ইফালে বিজেপি নেতৃত্বাধীন মিত্ৰজোঁট কেন্দ্ৰীয় - ৰাজ্য চৰকাৰে আগন্তুক ২০২৬ চনৰ অসম বিধানসভা নিৰ্বাচনৰ বৈতৰণী পাৰ হোৱাৰ বাবে এক মাত্ৰ ভোটৰ স্বাৰ্থত ততাতৈয়াকৈ শেষবাৰৰ বাবে হিমন্ত চৰকাৰে ছয় জনগোষ্ঠীৰ প্ৰস্তাৱত জনজাতিকৰণৰ অধ্যাদেশ খন অসম বিধানসভাই নিশ্চয় অনুমোদন জনাব।পিছে ৰজাঘৰৰ উক্ত সিদ্ধান্তৰ বিৰুদ্ধে আজি পশ্চিম অসম তথা বিটিচি ৰ প্ৰধান হাগ্ৰামা মহিলাৰীৰ ৰাজ্যৰ ৰাজধানী কোকৰাঝাৰ জিলাৰ চহৰত অৱস্থিত বড়োফা শিশু উদ্যানৰ পৰা ছয় জনগোষ্ঠীৰ জনজাতিকৰণৰ বিৰুদ্ধাচৰণ কৰি এক বৃহৎ টৰ্চলাইট শোভাযাত্ৰা বাহিৰ কৰি চৰকাৰ বিৰুদ্ধে আন্দোলনৰ কাৰ্য্যসূচী গ্ৰহণ কৰে।আৰু উক্ত কাৰ্য্যসূচী ত ৰাভা,গাৰো আদিকে ধৰি মুঠ ১২ টা জনজাতি গোষ্ঠীৰ ৰাইজে অংশগ্ৰহণ কৰি প্ৰতিবাদ সাব্যস্ত কৰে।একেদৰে তামুলপুৰ জিলাতো মটঙাচকৰ পৰা লেহৰাম বড়ো খেলপথাৰলৈ জোৰ সমদল বাহিৰ কৰি এবছু ৰ কেন্দ্ৰীয় সভাপতি দ্বীপেন বড়োই হিমন্ত চৰকাৰৰ বিৰুদ্ধে সহস্ৰাধিক নেতা আৰু ৰাইজে প্ৰতিবাদ সাব্যস্ত কৰে। এতিয়া মোদী আৰু হিমন্ত চৰকাৰে অসম বিধানসভা নিৰ্বাচনৰ প্ৰাকক্ষণত গ্ৰহণ কৰা ছয় জনগোষ্ঠীৰ জনজাতিকৰণ ৰ সিদ্ধান্তই অৱশেষত ভাতৃঘাটি সংঘৰ্ষৰ সৃষ্টি কৰিব নেকি? এয়াই ৰাজনৈতিক আৰু সামাজিক ভাৱে অতিকে তাৎপৰ্য বহন কৰিছে।